Oleh Jun Dafizon
17 Agustus tahun 60-an , di Palembang dirayoke besak-besakan. Banyak masyarakat bejubelan nak nonton acara 17-an di sungai Musi. Walaupun maseh banyak buayo di bucu sungai tu, nyatonyo lomba bidar mase banyak tula yg melok. Acara bejalan tertib, meriah cak 17-an taun kemarenlah...
Singkat cerito pas penutupan ado grand prize. Dak lamo MC ngomong: "Bapak-Ibu, taun... ini ado kejutan !! di panggung ni ado motor Vespa 150cc dan duit 5 jt, hadiah ini untuk warga yang pemberani.. Siapo yang pacak berenang di sungai ini dengan selamat, galo-galo hadiah jadi punyo dio, dengan catatan RESIKO TANGGUNG DEWEK!! Kito tau galo buayo-buayo disungai ni besak-besak nian, dak percayo?? Payo kito buktike samo-samo.."
Dak lamo panitia nguntalke 2 ikok ayam ke sungai.. Barulah nyenggol banyu, langsung diterkam buayo abis dak besiso sampe bulu-bulunyo.. MC NGOCEH LAGI: "Naahh mano ujinyo wong Palembang melawan galo??" Masyarakat tediem galo. Laju ditambah lagi hadiah oleh panitia duit jadi 10 juta, "Payoo bpk-ibu siapo yang berani??"
Dak lamo BYUUURRR ado yang melompat ke sungai ! ruponyo Nek Anang.. Dio berenang lengkap dengan kaos dan celano jeans ! Kejingokan nian setengah mati dio nyelamatke diri, saro oiii ngindar sano sini dari serangan buayo-buayo ganas tu.. Mano di ujung sebrang Muaro sungi Lumpur 10 ulu lah tecancang pulok buayo dengan rahang nyangak ! Untunglah oleh dorongan nak hidup panjang, Nek ANANG pacak sampe melompat ke tepi sungai 10 ulu dan selamatlah dio..
Warga spontan ndatangi Nek Anang yang mase teseler lemes.. "Oii Naang, hebat niaan kau !! Dak kusangko bujang lapuk kito ni nyatonyo pemberani !!" Panitiapun datang ngucapke : "Selamat yoo NAAANG.. Hadiahnyo lah disiapke, silahkan diambek".
Dgn siso tenago terakhir, Anang tegak langsung nerobos warga naik panggung, ngerampas mic dari MC, sambil ngingas dio ngomong :
" Kageklah dulu e masalah hadiah tu, aku nak tau siapo tadi yg NJULAK-Ke akuuu..tu,.!! Nak ku tujah dulu...."
Tidak ada komentar:
Posting Komentar